“BABALIK ako sa Maynila pero kasama si Nova? Anong iniisip n’yo Papa? Sira na ba ang ulo mo?” Kunot noong nakatingin si Lucas sa ama. Hindi siya makapaniwala sa sinabi ng ama. Kung babalik man siya sa Maynila bakit kailangan pa niyang kasama ang isang kasambahay na si Nova? “Bakit n’yo naman gustong sumama sa ‘kin si Nova?”
Tumawa ang kaniyang ama. “Magtutungo ka sa Maynila dahil sa negosyo natin. Hindi ka mananatili roon nang isang linggo para magliwaliw.” Naupo ang kaniyang ama sa mahabang sofa na nasa sala. Sinindihan nito ang sigarilyo.
“At anong kinalaman ni Nova roon?”
“She will be your personal maid, stupid.” Mahumalakhak si Don Gabriel at naghithit ng sigarilyo. Ibinuga muna nito ang usok bago muling hinarap ang anak na hanggang ngayon ay kunot pa rin ang noo. Hindi makapaniw
