GULAT NA GULAT si Nova sa ginawa ni Lucas ngunit bakit hindi niya nagawang makipagtalo sa matamis na labi nitong nakalapat sa kaniyang mga labi? Bagkus ay hinayaan niya pa ito. Titig na titig siya sa mga mata nitong nakatitig lamang din sa kaniya. Ilang segundong magkalapat ang kanilang labi hanggang sa maramdaman niya ang pagguhit ng ngiti rito. Mabilis siyang lumayo rito. Bumitaw naman ang lalaki sa pagkakahawak sa kaniyang baywang. Dinampot niya sa lamesa ang hinubad nitong maskara. Tumikhim siya upang alisin ang kung ano mang bara sa kaniyang lalamunan. Tinalikuran niya ito at sinuot ang maskara. Naglakad paalis sa kinatatayuan nito.
“Sandali, Nova!” tawag nito sa kaniya at hinawakan ang kaniyang braso upang pigilan siya. “Don’t go...” dugtong nito na halos pabulong na lamang. Nanati
