UMAGA nang mapag-utusan ni Aling Ester si Nova sa palengke. Kaagad niyang tinanggap ang iniutos sa kaniya at tinungo ang pamilihan. Bitbit ang bayong na hawak-hawak ay isa-isa niyang binili ang mga dapat bilhin na siyang nakasulat sa papel na si Ester mismo ang nagsulat. “Maraming salamat po,” aniya nang tanggapin ang sukli. Halos nabili niya na ang lahat ng kaniyang dapat bilhin kaya naman naglakad na siya pauwi. Maya-maya lamang ay may naalala siyang bilin ni Stella. Nakisuyo ito sa kaniya na dalhin ang ilang bariyang inipon nito sa isang maliit na simbahan sa isla. Lumapit siya sa isang ginang upang magtanong. “Magandang umaga po, puwede ho bang magtanong?”
“Ano iyon, Ineng?” Pinagpagan ng ginang ang mga paninda nitong mga prutas. “Bibili ka ba?”
Umiling siya. “Hindi po, pero alam n
