“NAKU! Bumabagyo nanaman,” bulalas ni Aling Ester matapos nitong isara ang bintana ng silid nito. Humarap ito kay Nova. “Hindi ka makakauwi ngayon, Nova. Napakalakas ng ulan sa labas at mukhang hindi ‘yan kaagad titila. Narinig ko sa balita kaninang umaga na ngayon magla-land fall ang bagyo at kabilang tayo sa tatamaan.” Naupo ang ginang sa gilid ng kama at sinimulang tupiin ang mga nilabhan nitong damit kaninang umaga.
Bumuntong hininga si Nova. Napapadalas yata ang kaniyang pagbuntong hininga sa nagdaang nga araw. Naupo siya sa gilid ng kama at tinulungan ang ginang sa pagtutupi ng mga damit nitong nilabhan. “Kaya nga po,” pagsang-ayon niya, “Okay lang din naman po para makapagpahinga ako kaagad. Nakakapagod din po palang mag-uwian.” Mahina siyang tumawa.
“Aba’y sinabi ko naman kasi
