“ALING Pining happy birthday po” ang bungad ni Ynah saka iniabot ang regalo niya sa matanda.
Ngumiti ang matandang babaeng nakaupo sa isang wheel chair. Sa tantiya ni Enzo ay nasa seventy five na ang edad nito. Tinitigan niya ng maayos ang mukha ng matanda. Habang tumatagal ay tila nagkakahugis ang aura nito sa kanyang alaala.
“Grace, ang haba na ng buhok mo anak. Gusto mo bawasan natin?” si Aling Pining habang nakatitig sa mukha ni Ynah habang nginitian lang ito ng dalaga.
Mabilis na sumikdo ang kaba sa dibdib ni Enzo dahil sa narinig. At kahit unti-unting nabubuo sa isip niya ang paghihinala ay minabuti niyang isantabi na muna iyon. “May sakit si Lola, Alzheimer, dalawang taon narin siyang ganyan. Wala kasi kaming pera kaya hindi namin siya regular na nap
