TITIG na titig sa kanya si Enzo, kaya hindi na siya nagtaka nang maramdaman niyang katulad nito, umiiyak narin siya. Siguro dahil masaya siya? Dahil sa kabila ng maraming babaeng nagdaan sa buhay nito, siya ang pinili nitong makasama? At higit sa lahat, dahil mahal niya ang binata.
“O-Ofcourse I will marry you, I love you” hindi na niya napigilan ang sariling aminin sa binata ang totoong nararamdaman para rito.
Parang bumukas ang langit sa ganda ng ngiting pumunit sa mga labi ni Enzo dahil sa sinabi niyang iyon. Kaya naman matapos isuot ng binata sa kanya ang singsing ay hindi na siya nabigla nang kabigin siya nito para halikan.
“Sinabi mo ba talaga iyon? Na mahal mo ako?” nang pakawalan nito ang kanyang mga labi ay bumalandra sa mukha niya ang mabangong hininga ng binata kaya mabilis n
