ELLY
Ramdam ko ang matinding pagod na dumadaloy sa buo kong katawan nang matapos ko ang paglilinis sa buong third floor ng Pioneer Corp., pang-apat na araw ko pa lang ito sa trabaho pero nararamdaman ko na kaagad ang kapaguran. Gayunpaman, dahil gusto ko makapag-ipon ng sariling pera para sa sarili ay kailangan kong tiisin ito. Kailangan kong sanayin ang sarili ko sa pagta-trabaho para hindi na ako manibago sa araw-araw at tumagal pa ako sa ginagawa.
Maayos naman ang lahat sa buhay ko sa ngayon, gaya noong mga nakaraang araw ay maayos pa rin ang pakikitungo sa akin ng asawa ko. Hindi naman ito ‘yung sobrang sweet, ngunit ramdam kong siya ang Liam na kilala ko talaga noon pa man. Nakapagtataka nga dahil apat na araw na rin siyang hindi pumapasok sa kumpanyang pinagta-trabahuan niya. Na
