Mukha namang okay talaga si tatay sa kung anong mga pinagkakaabalahan niya sa kung saan siya dinala ng damuhong si Baron.
Lintik talaga ang lalaking iyon.
Ang dami talagang alam sa buhay.
Anong akala niya sa akin papayag na magtabi kami sa kama?
Wala akong tiwala sa lalaking iyon talaga.
Hinding-hindi ako makakapayag na ipipikit ko ang mga mata ko na kasama ko siya at katabi ko.
Hindi talaga ako pumayag na hindi siya aalis ng kwarto niya kahit pa magalit si Lola Bebe.
Wala akong pakialam kung saan pa siya nagpunta o saan pa siya natulog.
Basta hindi kami magtatabi.
Ayaw na nga akong papasukin sa trabaho ni Lola Bebe kaya nagdahilan na lang ako na talagang gusto ko na may sarili akong pera.
Akala ko nga ay magdaramdam siya ngunit hindi naman pala sapagkat noong kaedad ko rin daw
