NAGMULAT ng mga mata si Zi nang maramdaman ang paghinto ng sasakyan na kaniyang kinasasakyan habang binabagtas ang kahabaan ng isang bypass road sa Quezon Province.
“Bakit huminto?” taka niyang tanong kay Massimo na siyang nagmamaneho ng kanilang kinasasakyan.
Lahat ng mga sasakyan ng kaniyang mga tauhan ay mga nagsihintuan din sa unahan nila.
Agad na nagtanong si Massimo sa tauhan sa unahan para malaman kung bakit huminto ang mga sasakyan. May nakakabit na earpiece si Massimo sa may tainga nito at lahat ng kasama nilang bodyguard ay may mga ganoon ding suot para sa madaling communication ng mga ito.
“Boss, kailangan nating bumalik,” baling ni Massimo kay Zi.
“Bakit? May problema ba?”
“Boss, maraming armadong mga tao sa unahan na biglang nagsulputan. Nakaharang sa daraanan natin. At
