AGAD na napatayo si Karizza buhat sa kaniyang kinauupuan nang bumukas ang pinto ng Operating Room at lumabas ang isang doktor. Mukhang katatapos lang ng naging operasyon kay Zi na umabot din ng ilang oras.
“Doc, kumusta po ang asawa ko?” agad niyang tanong.
“He’s out of danger now, Misis. Naalis na ang bala sa kaniyang dibdib. Huwag ka ring mag-alala dahil hindi naman natamaan ang puso niya. Ganoon pa man, kailangan niya nang pahinga. Tulog din siya dahil sa gamot na itinurok kanina sa kaniya while ongoing ang operasyon.”
“Puwede na ba siyang ilipat sa Alabang, Doc?” tanong naman ni Massimo na hindi rin umalis sa tabi ni Karizza at matiyaga ring naghintay.
“Let him rest first. Bukas na ng umaga ilipat ang pasyente para hindi siya matagtag sa biyahe.”
“Okay, Doc.”
Hindi naman nagtagal
