SUNOD-SUNOD at walang tigil ang naririnig ni Karizza ng palitan ng putok ng baril sa labas. Sa takot na baka mayroong ligaw na bala na tumama sa kaniya, kaya naman pinili niyang itumba ang kaniyang kinauupuang silya para sa kaniyang safety sa mga bala na posibleng maligaw sa lugar na iyon.
Ngunit hindi ganoon kadali ang pagpapatumba niya dahil nang tumumba siya ay bahagya pang tumama ang kaniyang ulo sa sahig na kahoy. Lalong nakaramdam ng hilo si Karizza.
Maging ang palitan ng putok ng baril ay sandaling para bang humihina na sa kaniyang pandinig. Samantalang kanina ay kay lakas niyon na halos ikabingi na niya.
Mayamaya pa ay naramdaman niyang mayroong kumakalas sa pagkakatali ng kaniyang kamay.
“Holy s**t!”
Narinig niya ang boses ng lalaking dumukot sa kaniya.
Napaigik pa si Karizz
