HINDI mapigilan ni Dana ang mapabahing ng magising siya kinaumagahan. Naramdaman din niya na para siyang sinisipon. Halos sunod-sunod nga ang naging pagbahing niya sa sandaling iyon. Nakuha niya siguro iyon kagabi na kung saan nabasa siya dahil sa pagkahulog niya sa pool. At nababad pa ang katawan niya sa tubig dahil hindi agad siya nakapagpalit ng damit. Halos kalahating oras din kasi siyang nababad sa tubig dahil hindi agad siya pumasok sa loob mg mansion. Nanatili pa siya sa labas ng kalahating oras.
At hanggang ngayon ay hindi pa din malimutan ni Dana ang nangyari sa kanya kagabi. Ang paghaharap nilang dalawa ni Franco, ang pagbibigay nito ng pera, ang pag-iinsulto nito sa kanya at sa magulang niya. At pagkahulog niya aa pool at sa muntikan na niyang pagkalunod.
Ipinilig na lang ni
