BITBIT ni Dana ang first aid kit nang pumasok siya sa banyo sa loob ng kwartong tinutuluyan. Ini-lock niya ang pinto. Inilapag niya ang hawak sa may sink. Pagkatapos niyon ay ginamot niya ang paso niya sa kamay. Mabuti na lang at may ointment do'n. Natalamsikan kasi siya kanina ng kumukulong mantika sa kamay habang nagpi-prito siya para sa dinner nila. Nagulat kasi siya sa biglang pagpasok ni Franco sa kusina kaya aksidenteng nabitawan niya ang pini-prito sa kawali kaya tumalamsik iyon sa kamay niya. Tiniis nga din niya ang hapdi sa kamay kanina habang nagluluto at habang kumakain siya. Hindi niya iyon ipinahalata dito dahil baka isipin nito na nagpapaawa effect na naman siya. Isipin na naman nito na nagda-drama siya. Advance pa naman itong mag-isip.
Nang matapos si Dana sa paglalagay
