"OPO, Mama. Huwag po kayong mag-alala sa akin, nasa mabuting kalagayan po ako. Kayo din po, mag-ingat din po kayo diyan," wika ni Dana sa kanyang Mama ng tawagan niya ang mga ito para kamustahin. Pagkatapos niyon ay nagpaalam na siya dito. Pinatay na niya ang tawag at inilapag niya ang cellphone sa ibabaw ng bedside table.
At akmang mahihiga si Dana sa kama ng mapatigil siya ng makarinig siya ng isang pagtikhim. At nang tumingin siya sa kanyang gilid ay nakita niya si Franco na nakasandal sa hamba ng pinto habang matiim na nakatitig sa kanya. Ang isang kamay nito ay nakasuksok sa bulsa ng suot nitong pantalon. Hindi naman niya alam kung kanina pa ba ito roon o hindi. Masyado kasing nakatutok ang atensiyon niya sa mga magulang na kausap niya sa cellphone at hindi niya napansin ang presens
