KUMUNOT ang noo ni Franco nang akmang bababa na siya sa hagdan ay nakita niya si Dana na biglang umiwas nang makita siya. Paakyat sana ito ng hagdan pero hindi nito iyon itinuloy nang makita siya nitong pababa din.
Hindi niya nagustuhan ang pag-iwas nito na para bang may nakakahawa siyang sakit. Hindi nga lang iyon ang unang beses na nakita niya itong umiiwas kapag nakakasalubong niya. How dare her?
Lalo tuloy nagsalubong ang mga kilay niya sa isiping iyon.
Hindi pa din nagbabago ang ekspresyon ng mukha niya ng magpatuloy siya sa pagbaba. Dere-deretso siyang naglakad hanggang sa makarating siya sa kusina.
Pagdating niya do'n ay handa na ang breakfast niya. At lahat ng nakahain sa mesa ay request niyang kainin. At alam din niya kung sino ang nagluto ng mga iyon. Si Dana. Inutos niya
