INIWAN ni Dana ang ginagawa ng marinig niya ang pagtunog ng doorbell sa labas ng condo. Lumabas siya ng kusina at naglakad siya patungo sa pinto para pagbuksan niya kung sino man ang nasa labas ng condo. Wala namang inaasahang bisita si Dana, imposible naman na si Franco iyon, dahil hindi naman ito nagdo-doorbell sa condo nito. At may sarili naman itong susi, anytime ay makakapasok ito sa loob.
Bago naman buksan ni Dana ang pinto ay sinilip muna niya sa peephole kung sino ang nasa labas. At nakita niya na si Manong Danny iyon kaya dali-dali niyang binuksan ang pinto.
"Dana," banggit ni Manong Danny sa pangalan niya ng magtama ang paningin nilang dalawa.
"Hello po, Manong Danny," nakangiting bati niya kay Manong Danny. "Ano po palang ginagawa niyo dito?" tanong niya mayamaya.
"Inutu
