Kausap ni Amiro si Clyde sa phone, sinasabi nito na dumating nga doon si Ellaine. Hindi niya inaasahang gagawin iyon ng babae kaya mas nakaramdam siya ng inis dito. Hindi niya sukat akalain na ganon ito kagarapal para lamang bumalik sa kanya.
Sinabi naman niya kay Clyde ang plano niya at sinabi din niya na si Aki ang pinagpanggap niya. Nong una natawa pa ito dahil bakit daw lalaki din ang naisipan niyang gawing fake girlfriend. Pero ipinaliwanag niya dito, pinaalala na hindi siya palagay sa presence ng isang babae kaya baka mabuko siya kapag pinilit niyang babae ang kuhain niya. Pinasabihan na rin niya si Aling Meling na magluto ng special for lunch kasi may bisita. At sinabi din niya na pauwi na sila, tsaka pinaalala din niya na baka madulas ang mga ito kapag nakauwi na sila sa mansyon.
