Tigalgal na nabitawan ni Hanna ang manika. Hindi siya makapaniwala na walang lalagyan ito ng battery o kahit anong uri ng teknolohiya na maaaring magpagalaw rito. At mas lalo siyang nagulat nang makitang may bakas ng dugo sa loob ng manika nang tanggalin niya ang kasuotan nito. Mula sa dibdib nito, pababa hanggang tiyan ang bakas ng dugo.
Hindi makahuma si Hanna sa pagkabigla. Ni hindi niya rin malapitan ang manikang nakahandusay sa sahig sanhi ng pagkakabitaw niya.
Ano ba talaga ang manikang ito?
Huminga muna siya nang malalim bago ipinasyang ipaalam kay Sheila ang nalalaman. Agad niyang hinagilap ang cellphone. Nang makita, agad na hinananap sa contacts ang pangalan ng pinsan. Ini-scan pa lang niya ang phone directory, nang makarinig siya ng kalabog. Napalingon siyang bigla sa pinang
