"Ate Sheila! Bakit sa telepono kayo tumawag? Pauwi ka na ba?" Umupo sa kalapit na sofa si Hanna, katabi ng awditibo.
"Ano kasi.. nasira 'yong cell ko, nakikitawag lang ako dito sa hotel. Hanna... hindi pa ako makakauwi ngayon, baka sa makalawa pa."
Napakunot-noo si Hanna dahil parang nagmamadali ang boses nito. Magtatanong sana siya kaso nagsalita na ito kaagad.
"A, kayo muna bahala ni Ate Sol kay Shammy, ha? Sige, kailangan na kasi ako sa meeting, sumaglit lang ako. Tatawag na lang ako ulit." At busy tone na ang narinig niya, indikasyon na wala na ito sa kabilang linya.
Naiwang napapaisip si Hanna. Hindi man lang kinausap si Shammy? Baka nga busy masiyado. Eksaktong naibaba niya ang telepono nang lumitaw si Shammy sa sala, bagong paligo na ito.
"Ate Hanna, si mommy po ba iyon?" At lu
