"Kawawa naman si Anika, Ate Hanna," sumisinghot-singhot na saad ni Shammy. Nalaman nila mula pa rin kay Ate Bel, na kasama nito ang ina sa pagsundo sa dumating na ama. Nagkaroon nang pagtatalo ang dalawa kaya itinigil daw sa gilid ng daan ang kotse. Nagpatuloy sa pag-aaway ang dalawa at hindi napansin na lumabas ng kotse ang bata at nagtatatakbong umiiyak. Nakita raw nila, nasagasaan na ito. Dahil madaling-araw naganap, hindi nila nakita ang plate number ng kotse at hindi rin kasi sila tinigilan. Sa bilis na rin ng mga pangyayari. Death on arrival na raw ang bata nang dalhin sa ospital.
Simula nang malaman nila kaninang umaga ang naganap, hindi pa rin tumitigil sa pag-iyak si Shammy. Kahit kasi inaaway siya nito, itinuturing pa rin niya itong kaibigan.
Inaliw naman nina Hanna ang bata su
