Nasisiyahang isinuot ni Mindy ang nabiling murang damit sa kabilang garage sale. Kulay pula rin ito at humahakab sa maganda niyang katawan. Lalong lumabas ang kaputian niya dahil sa kulay. Marami na naman siyang maaakit sa taglay niyang ganda. Tiba-tiba na naman ang wallet niya kapag nagkataon.
Umikot-ikot pa siya sa harapan ng salamin, pagkatapos ay inilipat na sa binili niyang bag ang mga gamit na dadalhin niya. Gaya ng make-up, pabango, suklay, pang-ahit, cellphone at wallet.
Inilabas niya rin sa paper bag ang sapatos at isinuot. Huling sulyap pa sa salamin at lumabas na ng kuwarto.
Sa hindi niya malamang dahilan, bigla siyang nahilo. Napaupo siya sa sofa at sandaling nagpahinga. Subalit, parang mas lalo pang lumala ang nararamdaman niya, agad siyang tumakbo sa kusina at nagsusuka sa
