"Miss, mura lang 'yan. Alam n'yo kasi, 'yung amo ko, mahilig bumili ng mga original tapos..."
Napalingon si Mindy nang marinig ang matinis na tinig na iyon sa nadaanang bahay. Galing siya sa kaibigang may bahay sa subdivisiong iyon. Sa bahay ni Rachelle siya natulog kagabi dahil nagpadespedida ito. Pupunta na kasi itong New York, napetisyon ng amang kano.
Mabilis niyang tinanggal ang nakapasak na earphone sa tainga. Maaga siyang nagising kanina at naisipang mag-jogging. At ngayon nga, pumapasok siya sa isang garage sale na iyon.
Iginala niya ang paningin at napakaraming gamit na puro branded. Mahilig siyang bumili ng mga second hand pero branded. Hindi siya mahilig sa sale sa mall dahil mahal pa rin iyon para sa kaniya. Ang mga nasa ukay-ukay naman sa gilid-gilid ay nababahuan at naruru
