Nanginginig sa isang sulok si Mindy. Wala ng luhang tumutulo sa kaniya. Manhid na rin ang pakiramdam sa mga nakikita.
Nagulat pa siya nang biglang mag-ring ang telepono sa salas. Pilit binabalewala ni Mindy ito, subalit patuloy lang ang pag-ring nito. Ilang ulit pang tumigil at nag-ring ulit. Para bang importante talagang kailangan sagutin.
Marahang tumayo si Mindy. Hindi man lang sinulyapan ang bangkay na nasa lamesa. Hindi na rin niya nagawang takpan ang ilong sa masangsang na amoy.
Walang pagmamadaling iniabot niya ang telepono. Hindi pa siya nakakapagsalita ng bigla siyang manigas sa kinatatayuan.
"Hello Mindy! Si Tita Esme ito, mommy ni Rachelle, pasensiya na pero kukunin ko na mga gamit ko. Naging busy kasi kaya ngayon lang..." halos wala na siyang naintindihan, bigla siyang napa
