Naitakip ni Mindy ang isang palad sa kaniyang bibig, sanhi nang pagkagulat sa nakita. Punung-puno ng dugo ang kabuuan ng ref at nagyeyelo na rin ang iba rito. At ang mas nakakasuka, punung-puno ng karne at lamang-loob ang bawat sulok ng ref!
Dito pala inilagay ng kung sino man ang lahat. O, siya kaya iyon? Pero hindi niya talaga maalala!
Nanginginig na hinawakan ang karne sa freezer, tapos ang mga lamang-loob sa ibabang bahagi ng ref. Naiiyak na napaatras siya.
Ano pa bang makikita niya? Wala na bang katapusan ito?
Nagulat pa siya nang mabangga ang binti sa balde ng panlinis. Napasulyap si Mindy dito. Mabilis na binunot ang ref at pinalitan ang tubig sa balde. Hindi na niya maaantay na matunaw ang mga yelo dahil malapit nang dumating ang kukuha ng mga gamit.
Nilinis niyang mabuti ang
