"Ano ang ibig mong ipahiwatig na nawawala ang Deritos?" gimbal kong bulalas habang napatitig sa malungkot na mukha ni Gregorio.
"Hindi ba nabanggit sa'yo ng huling Himadi na pumarito na ilang daang taon na rin simula nang lumitaw-lumubog ang Deritos? Hindi na ito tulad noong naunang mga panahon kung kailan ay nananatili lamang ang Deritos dito sa aming lupain . Alam ng bawat Himadi na nanggaling dito na pahirapan na ang paghahanap sa Deritos nitong nagdaang mga taon."
Paano ko ba sabihin dito kay Gregorio na wala akong kaalam-alam sa mga pinagsasabi niya kasi kailanman ay hindi ako nagkainteres sa mga bagay patungkol sa Deritos o maging sa mga karanasan ng mga nagdaang Himading pumarito sa mundo ng mga tao.
Walang rin akong naalala na may nabanggit ang Inang Reyna na nahirapan sila
