Isang may kalakihang tent ang ipinag-utos ni Don Gregorio sa iilang tauhan niya na itayo sa mismong lugar na kinahihigaan ni Hallejah.
Tuluyang naalis sa isip ko ang posibilidad na maaaring magkasabwat sila ni Halleja at Justine, at pakana ng huli itong lahat ng mga nangyayari.
Nang mawalan ng malay si Hallejah ay himala ring tuluyang tumigil ang ulan.
Bigla ay naging maaliwalas ang paligid sa kabila nang tuluyang paglubog ng araw.
Sa katunayan ay biglang lumitaw ang mga bituin at ang buwan sa madilim na kalangitan na para bang walang mangyaring unos kani-kanina lang.
Nakaalis na ang mga nagtayo ng tent pero hindi pa rin ako tumitinag mula sa pagkakatayo sa nag-iisang baitang pababa sa kasalukuyang kinahihigaan ni Hallejah.
Para sa isang kagandahang maihalintulad sa isang babasag
