"Kahit ngayon lang, Grego. Hayaan mo akong tulungan ka." Pagpupumilit ko dahil sobrang nanghihina na siya.
Wala siyang sapat na lakas para alagaan ang kaniyang sarili kaya pinili kong manatili at tumulong.
"Bakit ba ang tigas-tigas ng ulo mo! Sinabi ko naman sa 'yong umalis ka na!" Malakas niyang sigaw sa akin at mukhang hindi pa rin ito nagsasawang sigawan ako palagi. Nakakabingi ang boses niya.
Nalungkot ang pakiramdam ko. "Ano ba kasi ang problema mo at bakit pinapahirapan mo ang sarili mo, Grego? Buong araw kang hindi kumakain, nagmumukmok ka lang dito at kahit na may lagnat ka naisipan mo pa talagang ng uminom ng alak?" mahinahon kong tanong na para bang hindi ako apektado sa mga sigaw niya, kahit ang totoo ay kanina pa nasasaktan ng husto. Natatakot din ako sa galit niya dahil a
