Sa wakas nakahanap na rin kami ni Kat ng matutuluyan dahil sa tulong ng kaibigan kong si Mae.
Isang apartment na malapit lang sa city. Isang sakayan lang patungo sa market, paaralan, hospital, at ganoon din sa mga mall.
Hindi rin nababahaan ang lugar kaya kahit medyo may kamahalan ang renta, sinunggaban ko na kaagad.
Mabuti na lamang dahil kaibigan ni Mae ang may-ari. Kahit papaano ay binabaan niya ng kaunti ang renta kompara sa orihinal nitong presyo.
Kahit sinabon ako ng galit ni Mae, ipinadaan ko lang sa kabila kong tenga.
Hindi ko magawang magdamdam dahil lahat naman ng sinabi niya ay para rin sa 'kin.
Alam ko naman na lahat ng mga sinabi niya ay para sa ikabubuti ko.
At naniniwala naman ako na ang totoong kaibigan ay kayang itama ang pagkakamali at pagalitan ang kaniyang
