Naramdaman kong pinagpawisan ang leeg ko at ang mga braso hanggang sa matapos ko ang koloreteng unang ginawa sa aking mukha. Tumayo ako at tinungo ang salamin upang muli sanang sipatin ang aking kabuohan. Gandang-ganda talaga ako sa sarili ko. Walang sinuman ang mag-aakalang galing ako sa pobreng pamilya kapag ganito ang ayos ko. Ilang ikot pa ang ginawa ko doon at napailing ako nang mapagtanto na parang hindi masyadong bagay ang suot kong damit sa aking make up. Kailangan iyong medyo daring at aakma sa hubog ng aking katawan. Hindi sa nagpapansin ako kay Leon, gusto ko lang talagang bagayan ang suot na make up ng suot ko ‘ring damit.
Palitan ko kaya?
Maaga pa naman.
Hindi pa naman siguro kami late sa pupuntahan ni Leon.
Binuksan ko ang cabinet ng aking mga damit at muling sinuyod do
