Walang imik na tumango lang ako upang sumunod sa kanyang mga inuutos. Kung siya ang magiging asawa ni Leon, tiyak na in the future ay dito rin siya titira. Alangan namang magreklamo ako sa mga utos niya? E ‘di napaaga ang pagkatanggal ko sa trabaho kapag ginawa ko iyon. At saka kumbaga ay practice na ang mga ginagawa ko ngayon para hindi na ako mahirapan sa hinaharap.
Sino ba naman ako para magreklamo? Hamak na maid lang.
“Sige po, Miss.”
Matapos na kunan siya ng tubig ay kinunan ko naman siya ng tuwalya. Hinintay kong maubos niya muna ang tubig upang ilagay iyon sa lababo kahit na hindi niya na iutos sa akin. Hinintay ko rin na matuyo ang buhok niya ng tuwalya at dinala iyon sa laundry area. Kitang-kita ko kung paano ako bigyan ng bombastic side eye ni Leon na parang may kahulugan, pe
