Nilagpasan ko lang iyon habang may hindi maipintang pagmumukha. Akmang papasok na sana ako sa loob ng silid nang bigla akong umatras patungo sa nagkalat nilang mga damit. Sinuyod ko ang mga iyon na para bang hinahanap ko kung alin ang damit ni Leon at alin ang damit ng babaeng kasama niya.
Hindi kaya magalit sa akin si Leon kapag hinayaan ko lang ito dito? Baka sumbatan niya ako bukas. Nagkalat pa naman sila.
Alam niyang nasa ibaba pa ako at oras na umakyat ako dito ay baka inaasahan niyang makikita ko ang mga damit nila. Baka mamaya inaasahan niyang ililigpit ko bilang isang personal maid. Ang mabuti pa ay ayusin ko na. Ayoko namang pagsisihan ang lahat ng ito bukas. Gagawin ko na lang kahit hindi niya inuutos.
“Pasalamat ka Sir Leon at concern ako sa trabaho ko, kung hindi ay hahayaan
