Dinala na ako ng babae sa kusina matapos na kumain at hugasan ang pinagkainan ko. Kagaya kanina ay mataman lang akong nakasunod sa kanya. Syempre mayroon naman akong hiya sa katawan para mag-iwan ng hugasan sa lababo ng quarter. Pare-pareho lang naman kaming kasambahay dito. Panaka-naka ang pagmamasid na aking ginagawa sa bawat sulok ng pasilyo na aming binabaybay na dalawa. Naisin ko mang magtanong ay hindi ko ginawa, ayoko siyang istorbohin sa iniisip.
“Dito ka pupuwesto kapag magbre-brew ka ng kape ni Sir Leon, Charlie. Isasaksak mo lang muna ito tapos pipindutin mo ito para mabuhay,” pakita niya sa akin ng cord ng coffee maker na mabilis niya ng isinalpak iyon upang simulan ang demonstration sa akin.
Maaaring hindi ako laki sa mayamang pamilya pero hindi naman ako ignorante sa mga ga
