Matapos na tumango ay kampante na ang loob kong tinungo ang banyo na kanyang itinuro. Wala akong inaksayang sandali at pinaspasan ko na rin ang pagpapalit ng suot kong damit. Maayos kong itinupi at ibinalot doon ang aking hinubad. Sasabihin ko sa kanya mamaya na dadalhin ko muna iyon sa aking silid bago ako bumaba ulit. Alangan namang bitbitin ko ito maghapon sa katawan eh ‘di hindi ako nakapagtrabaho ng maayos dahil dito.
“Ate, tama ka nga. Sakto lang pala sa akin ang size na extra-small.” maligayang saad ko paglabas ko pa lamang ng banyo.
Payak na ngumiti lang siya at proud na akong tiningnan doon.
“Sabi sa’yo eh, hindi maaaring magkamali ang aking mga mata.”
Matapos naming pumili ng sapatos ko ay magkasabay na kaming lumabas ng storage room. Hinintay ko siyang maisara ang pintuan no
