Tumango lang ako bilang pagsang-ayon at pinagmasdan ang likuran niya na mabagal na papalabas na ng kusina. Nang tuluyang mawala siya sa aking paningin ay tuluyang sinaid ko na rin ang laman ng baso ng gatas at dinala na iyon sa lababo upang hugasan. Right after that ay lumabas ako ng living room at doon tumambay. Panay ang lingon ko sa pintuan upang hintayin ang pagpasok dito ni Leon. Nararamdaman kong darating na rin siya.
“Thirty minutes pa. Papanhik na ako sa itaas at matutulog kapag hindi pa dumating si Leon sa loob ng thirty minutes.” bulong ko sa kawalan habang pabalik-balik ang lakad sa harapan ng malawak na sala ng kanilang mansiyon. Kailangan ko itong gawin dahil baka mamaya kailanganin niya ng tulong. Tulog na ang mga maid. At saka ako ang personal maid niya. Marapat lang na hin
