Marahas na hinawi ng aking isang palad ang ilang hibla ng buhok ko na dumikit sa aking mukha paglabas ko ng dressing room. Ang iba doon ay nasa leeg ko dahil sa pagmamadali kong matapos sa aking ginagawa. Sa tantiya ko ay halos aabot na ng isang oras kaming nasa loob ng store na iyon hindi ko man iyon orasan. Kanina pa kami dito at parang wala pang planong umalis si Iracebeth.
Dagnas pawis na rin ang aking buong mukha sa init, ngunit hindi ko iyon alintana. Walang kahit na anong reklamong lumabas sa aking bibig kahit pa gustong-gusto ko ng magpahayag ng aking nararamdaman. Paano ba naman ako matatapos kung kada labas ko para ipakita ang sinukat na damit kay Iracebeth ay may panibago siyang mga damit na ibibigay sa aking upang isukat din.
“Are you tired, Charlie? Pagod ka na bang magsuka
