Naging tahimik lang ako sa naging biyahe namin ni Iracebeth patungo ng mall. Ganundin siya na nasa tabi ko at pangiti-ngiti sa screen ng kanyang cellphone. Hindi naman siya nagtanong sa akin ng kung anu-ano kahit na wala na sa paningin namin si Leon upang mag-usisa kung kaya naman ay hindi na rin ako nagkuwento sa kanya patungkol sa kung anong nangyari kaninang umaga. Ayoko namang isipin niya na nagpapakampi ako sa kanya kapag nagsalita ako laban kay Leon. Malamang higit na matimbang ang lalake sa kanya. At saka, sa palagay ko alam niya kung ano ang pinagtatalunan naming dalawa ni Leon. Mabuti na iyong nasa good side niya ako. Ayokong magka-problema ng kung ano sa kanya. Ilang taon din akong magtra-trabaho kay Leon at paniguradong palagi ko rin siyang makikita.
Sino ba naman akong hamak n
