Inihatid lang ako ni Penny sa sala kung saan ay nagsisimula pa lang mag-alisan ang mga maid na kakaiba ang ipinupukol sa aking mga tingin kada magtatama ang aming paningin. Hindi ko alam kung ano ang naging announcement ni Leon pero naniniwala akong malaki ang kinalaman noon sa akin. Nang maubos na sila ay si Penny naman ang mabilis na nagpaalam. Naiwan kaming dalawa ni Leon doon. Hindi ko magawang tumingin sa kanyang mga mata. Natatakot ako na baka galit pa rin siya sa akin sa ginawa kong pagsuot ng uniform ng mga maid.
“Take this, Charlotte.”
Napa-angat ang aking mga mata nang marinig ang malumanay niyang tinig. Hindi na iyon kagaya kanina na halos ay parang pasigaw na. Napako ang aking mga mata sa isang black card na hawak niya at nakalahad sa aking harapan sa paraang ibinibigay niya
