PRECY
Hawak kamay na lumabas kami ng asawa ko sa maliit na bahay ni Ate Carol. Pawisan si Aryan at basa na rin ang damit niyang suot dahil mainit sa loob at hindi siya sanay sa ganitong lugar.
Hapon na, pero mataas pa rin ang sikat ng araw. Hindi ko inaasahan na bukod kina Aryan at Jerry ay marami pa pala siyang kasamang mga armadong tauhan na nagbabantay sa labas ng bahay ni Ate Carol, maging sa eskinita na dinaanan namin.
Maraming tao ang nakita kong nakatingin sa amin sa paligid. Alam kong curious sila kung bakit maraming armadong grupo ang narito gayong hindi naman kami taga dito sa lugar na ito.
Alam kong marami sa mga kapitbahay ni Ate Carol ang nakikisagap ng kwento pero hindi ko na sila pinansin. Malaki ang hakbang na naglalakad kami ni Aryan palabas sa makipot na eskinita, ha
