Episode 15
Dominic `Dona’ Nambria’s POV
“Dona?” narinig ko ang katok ni Paul mula sa labas ng kwarto ko.
“Bakit?!” sigaw ko upang marinig niya ko.
Sinusuklay ko ang maikli kong buhok sa harap ng salamin at naglakad palapit sa pintuan ng kwarto at binuksan ‘yun.
“Aalis na tayo?” tanong ko sa kanya.
“Oo, hihintayin kita sa sala,” sambit niya.
Isasama niya kasi ako sa birthday ng inaanak niyang babae na isang taon pa lang. Ayoko nga sanang sumama dahil baka ma out of place ako pero ayaw naman pumayag ni Paul.
“Huwag na. Tapos na rin naman ako,” nakangiting sambit ko at hinagis sa kama ang suklay ko at lumabas na ng tuluyan sa kwarto ko.
Nakasuot siya ng white t-shirt na pinatungan niya ng black leather jacket habang ako naman ay suot ko ang pantalon kong bago na binili niya at fitted
