Maaga akong nagising kinabukasan, pero mukhang mas maaga pa sa'kin sina Fhel at Kylie kasi kakabangon ko lang ay nasa labas na sila ng silid ko at pareho nang nakagayak para umano sa nakalinya nilang activities ngayong araw.
Huling pagkaalala ko ay nanindigan silang dalawa na nandito para tumulong sa'kin at hindi para magbakasyon pero ngayon ay malaman-laman ko na naka-schedule sila para sa ilang luxurious water activities na offer ng Isla Buencamino.
Ilan sa mga ito ay ang glass-bottom boat tour nila kung saan ay makikita ng mga guest ang ilalim ng karagatan habang nakasakay sa bangka na may salamin sa ilalim na bahagi. Hindi na nila kailangan pang mabasa upang makapag-explore at makita ang iba't ibang klase ng isda, mga korales at iba pang attraction sa ilalim ng dagat.
May bahagi r
