Nang muli akong magkamalay ay una kong napansin ang kirot sa likurang bahagi ng ulo ko.
Hindi rin komportable ang pagkakahiga ko sa gitna ng malaking kama.
Unang katanungang pumasok sa isip ko ay kung nasaan ako. Hindi ko maalala kung paano ako napunta sa silid na ito.
Maging ang kisameng katitigan ko ngayon at ang kinahihigaang kama ay hindi pamilyar sa'kin. Pero batay sa kulay na dumodomina sa silid at minimal design nito kasama iyong mga gamit na nakikita ko ay masasabi kong lalaki ang may-ari nito.
Nang tinangka kong bumangon ay muling sumigid iyong sakit sa ulo ko kaya napatigil ako at napaisip sa nangyari.
Mabilis namang bumalik sa alaala ko iyong huling pangyayari bago ako nawalan ng malay. Wala sa sariling napahawak ako sa likuran ng ulo ko upang kumpirmahin ang naalala kong
