Mag-isa na lang ako sa silid matapos kong ipahatid kay Lecia sa kanya-kanyang silid ang maingay na sina Fhel at Kylie.
Naririndi na ako sa singilan na nangyayari at sumbatan ng dalawa. Paano ba hindi eh naungkat na pati iyong noong mga bata pa sila.
Gano'n naman palagi ang dalawang iyon, pero bago tuluyang nakaalis ay mukhang magkakabati na rin ang mga ito. Hindi sila sina Fhel at Kylie kung hindi sila laging gano'n.
Muli akong napabuntong-hininga at napatayo mula sa kinauupuan habang bitbit pa rin ang mga dokumentong pinahatid dito ninEngr. Khai. Ito iyong resulta ng imbestigasyon nila kay Luis Buencamino.
Maliban sa ilang impormasyon tulad ng edad nito ay wala nang gaanong narito. Kulang-kulang man ang haeak naming impormasyon ay sapat na ito upang masabing hindi ordinaryong busines
