May coffees hop sa tapat ng security office kahanay ng ilang mga kainan. Maliban sa kape ay may offer ding tsaa at ilang mga pwedeng ipares sa mga ito.
Sa tingin ko ay ang mga security personnel ang main target na mga customer ng mga itinayong negosyo sa paligid.
Pero hindi pa rin ito pahuhuli sa mga naroon sa sentro at dinadayo ng mga guest.
"Ano nang mangyayari sa kapatid ko at pinsan pagkatapos silang kausapin ni Lawrence?" pagbubukas ko ng usapan matapos i-serve ang order namin.
Ayaw ko rin namang mapaalis agad ang dalawang iyon dito sa isla. Wala na akong laging alalahanin na baka may ginawa na namang kalokohan. Sanay na akong laging napapraning sa maaring problemang hatid ng mga ito.
"First offense pa naman nilang gumawa ng gulo," sagot ni Trey. "Kailangan nilang sagutin an
