"Look at you! Ang laki na ng pinagbago mo!" Namamangha na bulalas ni Devine na para bang hindi binulabog ng malakas niyang tili ang paligid.
Maliban sa tuwid na tuwid na niyang buhok ay wala pa rin siyang pinagbago. Maingay pa rin siya na parang nakalunok ng speaker.
Nagkakilala kaming dalawa no'ng mga panahong wala pa akong iniisip kundi ay paano lambingin si Mommy upang bilhan ako ng dollhouse dagdag sa mga collection ko. Iyong mga panahong tumatawa pa ako kahit sa napakasimpleng biro.
"Kumusta na pala ang kapatid mong si Florae?" tanong sa'kin ni Devine na pumutol sa paglalakbay ng diwa ko. "Nabalitaan ko iyong kasal niya roon sa sikat na artista. Kahit sa kabilang dako ng mundo ay umabot iyong balita tungkol doon."
Hindi na iyon nakapagtataka lalo na at hindi lang isang beses ikina
