"What do you think?" nakangiting untag sa'kin ni Tito Tyron.
Gustong-gusto kong mag-yes agad on the spot pero kailangan kong isaalang-alang ang ilang mga bagay. Una ay ang magiging opinyon ni Trey.
Pangalawa ay ang magiging reaksiyon ng pamilya ko sa oras na tumapak sila sa lugar kung saan huling nagpunta si Tita Titz. Hindi pa gano'n ka-stable ang emosyon ng mga matatandang Buencamino. At kapag masyadong emosyonal ang isang tao ay hindi nakapag-isip nang maayos at kalimitang nakakagawa ng mga bagay na ikapapahak nito.
May limitasyon ang kilos namin dito sa loob ng isla kaya hindi ko masisiguro ang kaligtasan ng pamilya ko.
"Dad, ako na po ang bahalang magparating ng imbitasyon sa mga magulang ni Evie."
Maang akong napalingon kay Trey nang marinig ko ang sinabi niya. Mabilis ko ring
