"Nasaan ang tito mo?" bigla kong naitanong kay Trey nang makabalik na kami sa bahay niya.
Kakapasok pa lang namin nang maalala ko ito. Hindi ko na ito napansin mula nang pagbuksan kami ni Ramjay. Ni hindi nga ito sumunod sa amin ni Trey no'ng pumasok kami sa bahay at hindi rin namin naabutan pagkalabas.
Sumulyap ako sa pinanggalingan para muling siguraduhing wala nga ito roon. Kung paano ito biglang sumulpot ay gano'n din ito kabilis nawala. Hindi naman siguro ako nagha- hallucinate kanina no'ng pigilan ako nito.
"Umalis na siguro," sagot ni Trey. Kababakasan nang pag-alala ang mukha nito habang nakamasid sa'kin.
"Ba't ganyan ka makatingin?" hindi ko napigilang tanong sa kanya.
Gusto ko pa sanang mag-usisa sa biglang pagsulpot ni Luis Buencamino at biglaan nitong pagkawala pero hin
