Pagkatapos gawing presentable ang sarili ay bumaba na ako upang harapin si Engr. Khai. Naabutan ko ito sa malawak na sala ng bahay ni Trey habang kausap ang huli.
"Matagal ka na pala sa Garcia Empire." Narinig kong komento ni Trey.
Bigla kong binilisan ang bawat hakbang dahil sa tono ni Trey ay halatang may gusto pa siyang alamin.
Sinadya kong magkaroon ng tunog ang bawat hakbang ko upang maagawa ang atensiyon ni Trey mula sa kausap.
Hindi naman ako nabigo dahil lumingon siya sa direksiyon.
"She's here," anunsiyo niya kay Engr. Khai sabay salubong sa'kin.
Nasa paanan na ako ng hagdan nang maabutan niya ako. Kalmado kong tinanggap ang inilahad niyang kamay.
Hindi na naman sana kailangan pero sinakyan ko na lang kung anong trip niya basta mawala lang kay Engr. Khai ang atensiyon niya.
