Hindi ko na alam kung kailan ako tuluyang nakatulog. Ang huling naalala ko ay komportable akong nakapaloob sa mga bisig ni Trey habang tulog na tulog ito.
Pagkagising ko ay mag-isa na lang ako sa higaan at wala na si Trey. Tumulala muna ako saglit habang iniisip kung totoo bang nangyari iyong kagabi o nanaginip lang ako.
Nagtatalo pa rin kami ng isipan ko nang bumukas ang pintuan ng silid at bumungad ang nakangiting mukha ni Trey.
Napatitig ako roon at naalalang ni-lock ko iyon kagabi pero bakit nabuksan ni Trey? Maliban na lang kung totoong nakatulog siya rito sa silid ko at hindi ako nanaginip lang.
"How's your sleep?" bungad ni Trey bago tuloy-tuloy na pumasok habang bitbit ang tray na may lamang mga pagkain.
Pinanood ko siyang iayos ang mga dala sa mesang nandito sa silid ko bago
