Kunwari ay hindi ako apektado sa pagkakahawak ni Trey sa siko ko habang nakaagapay sa'kin paakyat sa itaas kung nasaan daw ang magiging table namin.
Kapansin-pansin ang pagiging agaw-pansin ni Trey. Iilan din ang nagtangkang lumapit sa kanya pero pasimpleng nakaharang si Lawrence at ito yata ang dahilan kung bakit walang naglakas-loob na tumuloy.
Parang hindi naman kaibigan ang dala ni Trey kundi ay personal bodyguard na kinatatakutan ng lahat.
Nang sulyapan ko si Trey ay tila wala naman siyang pakialam sa paligid. Ni hindi nga niya pansin ang tila pagkahawi ng mga tao upang bigyan kami ng daan. Siguro ay hindi na bago sa kanya ang ganito.
Ilang sandali pa at nasa harapan na kami ng bakanteng mesa. Hindi kagaya sa baba na high top tables and stools ang makikita, rito sa taas ay nagmist
