"Napapansin ko kasing na ang layo ng personality mo sa mga kapatid mo at pinsan," pahayag ni Trey na nagpabalik ng atensiyon ko sa kanya.
"Kailangan kasi may maiiwang matino sa pamilya namin," walang emosyon kong sagot.
"Marunong ka palang magbiro," naaaliw niyang komento.
"Hindi ako nagbibiro," hindi kumukurap kong sagot. "We're called a deranged family for a reason."
Kumunot ang noo niya habang nanatili sa mukha ko ang matiim na titig.
"Hindi ko hahayaang may tumawag nang gano'n sa girlfriend ko o sa pamilya niya," seryoso niyang pahayag.
"Even your grandmother called us criminals," nang-uuyam kong saad.
Mas hininaan ko ang boses dahil ayokong marinig ng dalawa kong kapatid at pinsan na ngayon ay tutok na tutok sa kwento ni Devine.
Sa ugaling meron ang mga ito ay imposibleng wal
